Charter Document - 00330046
| Charter Number: | 00330046 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1312 |
| Date type: | Internal, Feast, Regnal |
| Resource Link(s): |
|
Charter:
Omnibus Cristi fidelibus hoc presens scriptum inspecturis uel audituris Iohannes filius Iohannis de Farindone de Oxonia salutem in domino Nouertis me concessisse remisisse et omnino quietum clamasse Hugoni de Couele de Oxonia et suis heredibus ac assignatis imperpetuum totum ius et clamium quod habui uel aliquo modo habere potui racione hereditatis uel alterius cuiuscumque iuris in illis quinque cotagiis cum pertinenciis suis que predictus Iohannes de Farindone pater meus eidem Hugoni nuper dedit et per cartam suam confirmauit et que situantur in suburbio extra portam orientalem Oxonie inter tenementum magistri et fratrum hospitalis sancti Iohannis extra eandem portam ex una parte et tenementum quondam Willelmi Pille ex altera parte ita uidelicet quod nec ego predictus Iohannes filius Iohannis neque heredes mei nec aliquis alius nomine nostro in predictis quinque cotagiis cum pertinenciis suis uel aliqua parte eorundem aliquid iuris uel clamii dominii redditus uel seruicii exigere seu uendicare poterimus de cetero quoquomodo set pretextu istius remissionis et quiete clamancie ab omni iure et clamio inde penitus excludamur imperpetuum Pro hac autem remissione et quieta clamancia dedit michi predictus Hugo quandam summam pecunie pre manibus In cuius rei testimonium huic scripto sigillum meum apposui hiis testibus Willelmo de Burncestria tunc maiore Oxonie Iohanne de Hamptone et Ricardo de Berkele tunc balliuis eiusdem uille Andrea de Pyrie Iohanne de Coleshulle Henrico de Lenne Henrico de Caumpedene Roberto de Wyleby Willelmo le Barber Henrico de Ros Thoma clerico et aliis Dat Oxonie die Ueneris in uigilia Annunciacionis beate Marie uirginis anno regni regis Edwardi filii regis Edwardi quinto
Source (click image below to view full size)
