Charter Document - 00330045

Sciant presentes et futuri quod ego Iohannes de Farindone de Oxonia dedi concessi et hac presenti carta mea confirmaui Hugoni de Couele de Oxonia quinque cotagia cum pertinenciis suis illa uidelicet que habui ex dono et concessione Thome filii Roberti de Brackele et que situantur in suburbio extra portam orientalem Oxonie in parochia sancti Petri orientalis eiusdem ville inter tenementum magistri et fratrum hospitalis sancti Iohannis extra portam orientalem Oxonie ex parte orientali et tenementum quondam Willelmi Pille ex parte occidentali habenda et tenenda predicta quinque cotagia cum omnibus pertinenciis suis quibuscumque prefato Hugoni et suis heredibus uel assignatis libere quiete integre bene et in pace imperpetuum de capitalibus dominis feodi illius per seruicia eis inde debita et consueta pro omni seruicio seculari et demanda Et ego predictus Iohannes et heredes mei predicta quinque cotagia cum omnibus ubique pertinenciis suis prefato Hugoni et suis heredibus ac assignatis contra omnes mortales warantizabimus et defendemus imperpetuum Pro hac autem donacione concessione presentis carte mee confirmacione et warantia dedit michi predictus Hugo decem marcas sterlingorum pre manibus In huius rei robur perpetuum et testimonium hanc presentem cartam sigilli mei impressione roboraui Hiis testibus Willelmo de Burncestria tunc maiore Oxonie Iohanne de Hamptone et Ricardo de Berkele tunc balliuis eiusdem uille Andrea de Pyrie Iohanne de Coleshulle Henrico de Lenne Roberto de Wyleby Henrico de Caumpedene Willelmo le Barbur Henrico de Ros Thoma Clerico et aliis Dat Oxonie die Lune in crastino sancti Gregorii Pape anno regni regis Edwardi filii regis Edwardi quinto