Charter Document - 00330044

Sciant presentes et futuri quod ego Thomas filius Roberti de Brackele de Oxonia dedi concessi et hac presenti carta mea confirmaui Iohanni de Faryndone de Oxonia illa quinque cotagia cum pertinentiis suis que Agnes que fuit uxor quondam predicti Roberti mater mea in testamento suo michi legauit et que uidelicet cotagia coniunctim situantur extra portam orientalem in suburbio Oxonie in parochia sancti Petri orientalis eiusdem uille inter tenementum quod fuit quondam predictorum Roberti et Agnetis ex parte occidentali et terram magistri et fratrum hospitalis sancti Iohannis extra portam orientalem uille predicte ex parte orientali habenda et tenenda predicta quinque cotagia cum singulis pertinenciis suis prefato Iohanni et suis heredibus uel assignatis libere quiete integre bene et in pace de capitalibus dominis feodi illius per seruicia inde debita et consueta inperpetuum pro omni seruicio seculari exactione et demanda Et ego predictus Thomas et heredes mei predicta quinque cotagia cum omnibus pertinenciis suis prefato Iohanni et suis heredibus ac assignatis suis contra omnes mortales warantizabimus et defendemus in perpetuum Pro hac autem donacione concessione presentis carte mee confirmatione et warantia dedit michi predictus Iohannes quadraginta solidos sterlingorum pre manibus In huius rei robur perpetuum et testimonium hanc presentem cartam sigilli mei inpressione roboraui Hiis testibus Philippo de Wormenhale tunc maiore Oxonie Henrico de Lenne et Willelmo de Pennarth tunc balliuis eiusdem uille Andrea de Pyrie Thoma de Henxe Iohanne de Coleshulle Iohanne le Orfeuere Henrico de Caunpedene Roberto de Wyleby Radulfo de Haille Thoma Clerico et aliis Dat Oxonie die dominica proxima post festum Circumscicionis Domini anno regni regis Edwardi filii regis Edwardi quarto