Charter Document - 00330020
| Charter Number: | 00330020 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1230 - 1231 |
| Date type: | Assigned |
| Resource Link(s): |
|
Charter:
Sciant presentes et futuri quod ego Radulfus de Belewe concessi dimisi et liberaui Willelmo Crompe totam terram meam cum omnibus pertinenciis suis illam scilicet quam tenui de Willelmo Fabro fratre Adam abbatis de Eynesham extra portam orientalem Oxonie habendam et tenendam in feodo et hereditate de me et heredibus meis sibi et heredibus suis uel eius assignatis libere quiete et integre reddendo inde annuatim michi et heredibus meis ipse et heredes sui unum denarium argenti in die sancti Michaelis et Willelmo Fabro iiii solidos ad quatuor anni terminos ad festum sancti Michaelis xii denarios ad Natale Domini xii denarios ad Pascha xii denarios ad Natiuitatem beati Iohannis Baptiste xii denarios pro omni seruicio et seculari exaccione que ad terram pertinet uel pertinere possit Et ego Radulfus et heredes mei totam predictam terram cum omnibus pertinenciis suis predicto Willelmo Crompe et heredibus suis uel eius assignatis contra omnes homines et feminas warantizabimus et acquietabimus Pro hac autem donacione concessione et liberacione dedit michi predictus Willelmus centum solidos argenti Et quia uolo quod hec mea donacio concessio et liberacio firma et stabilis in posterum permaneat presens id scriptum sigilli mei impressione confirmaui Hiis testibus Iohanne Padi tunc maiore Oxonie Pentecoste et Henrico filio Thome tunc prepositis Roberto Oeyn Philippo Molendinario Henrico filio Henrici Thoma filio Walteri Galfrido de Stocwelle Willelmo Clerico Helya Capellano de hospitali Andrea Halegod Nicholao Wistle et multis aliis Laurentio Ruffo Willelmo Chese Willelmo Bike Radulfo Godecnaue Waltero Godechnaue et aliis
Source (click image below to view full size)
