Charter Document - 00330018
| Charter Number: | 00330018 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1120 |
| Date type: | Assigned |
| Resource Link(s): |
|
Charter:
Sciant presentes et futuri quod ego Iohannes Chese concessi et dimisi et liberaui et hac presenti carta mea confirmaui Willelmo Fabro medietatem illius terre mee quam teneo de Ricardo Bodin extra portam orientalem Oxonie uersus austrum uidelicet illam partem que iacet iuxta aquam apud orientem illi et heredibus suis habendam et tenendam de me et de heredibus meis illi et heredibus suis in feodo et hereditate plene et integre libere et quiete pro xxv denariis annuatim michi reddendis ad duos terminos anni pro omni seruicio uidelicet xii d et obolum ad Pascha et xii d et obolum ad festum sancti Michaelis Et ego predictus I et heredes mei warantizabimus predicto W et heredibus suis contra omnes homines mares et feminas qui possunt uiuere et mori Et pro hac concessione et dimissione et liberacione predicte terre prenominatus Willelmus dedit michi xvi solidos argenti in recognicione et fidelitatem michi fecit illius tenementi Et quia uolo quod predicta terra de me et de heredibus meis prefato W et heredibus suis sicut prediuisum est in perpetuum firma et stabilis permaneat hac presenti carta mea et sigilli mei inpressione confirmaui Hiis testibus Waltero filio Iohannis Alwino Tornario Thoma Scriptore Rogero Paruo Willelmo Cupario Waltero Choche Galfrido Godechnaue Waltero Toui Laurencio filio Rocelini Alexandro Fabro Gerardo fratre de Hospitali Waltero fratre de Hospitali Willelmo fratre de Hospitali Hosberto fratre de Hospitali Willelmo Aurifabro Henrico Carpentario Willelmo Bike et multis aliis
Source (click image below to view full size)
