Charter Document - 00330012
| Charter Number: | 00330012 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1280 |
| Date type: | Assigned |
| Resource Link(s): |
|
Charter:
Sciant presentes et futuri quod ego Robertus Faber de Paruo Ponte Oxonie concensu et assensu Ingelesie uxoris mee dedi concessi et hac presenti carta mea confirmaui Willelmo de Dreicote capellano quoddam mesuagium meum quod iacet in parochia sancti Clementis extra Paruum Pontem Oxonie uidelicet illud mesuagium quod iacet ex parte aquilonari dicti pontis et extendit se a domo Rogeri le Chapeler usque ad aquam que uocatur Charewelle habendum et tenendum dictum mesuagium cum pertinenciis sicut iacet in longitudine et latitudine prout mete docent et habundant de me et heredibus meis uel meis assignatis sibi et heredibus suis uel quibuscumque legare dare uendere aut assignare uoluerit tam in egritudine quam in sanitate libere quiete bene et in pace in perpetuum reddendo inde annuatim capitalibus dominis feodi debitum seruicium et consuetum et michi et heredibus meis uel meis assignatis unum clauem gariofili ad Natale Domini pro omni seruicio seculari exaccione et demanda Et ego predictus Robertus et heredes mei uel assignati warantizabimus acquietabimus et defendemus totum predictum mesuagium predicto Willelmo et heredibus suis uel quibuscumque dare legare uendere aut assignare uoluerit et eorum heredibus contra omnes gentes mares et feminas tam Iudeos quam Iudeas quam Cristianos per predictum seruicium in perpetuum Pro hac autem donacione concessione warantizacione acquietacione defensione et presentis carte mee confirmacione dedit michi predictus Willelmus in magna necessitate mea octodecim solidos sterlingorum pre manibus in gersummam Et ut hec omnia predicta firma et stabilia permaneant in perpetuum hanc cartam sigilli mei inpressione corroboraui hiis testibus Waltero de Shidenham tunc balliuo de Bollindene Iohanne Stepesofte Hugone Clerico Willelmo de Lond Samsone Plumbario Rogero le Chapeler Ricardo Coco Iacobo Clerico et aliis
Source (click image below to view full size)
