Charter Document - 00330011
Charter Number: | 00330011 |
---|---|
Cartulary Title: | The Cartulary of the Hospital of St. John the Baptist [Oxford] |
Charter Language: | Latin |
Charter Origin: | Religious |
Charter Type(s): | Grant |
Date: | 1290 |
Date type: | Assigned |
Resource Link(s): |
|
Charter:
Sciant presentes et futuri quod ego Iohannes Marescallus extra portam orientalem Oxonie dedi concessi et hac presenti carta mea confirmaui fratri Nicholao custodi hospitalis sancti Iohannis extra portam orientalem Oxonie et eiusdem loci confratribus quartam partem aque cum medietate insule quam habui de Sarra quondam filia Willelmi Marescalli in parochia sancti Clementis in suburbio Oxonie quam predicta Sarra disracionauit per breue noue dissaysine ad pontem de Kauarasham in crastino Epiphanie Domini anno regni regis Edwardi decimo coram domino Roberto Fuke et coram domino Waltero de Agmodesham iustic domini regis habendam et tenendam predictam quartam partem aque cum predicta medietate insule et cum omnibus pertinenciis suis in liberam puram et perpetuam elemosinam predictis fratribus et eorum successoribus imperpetuum Et ego Iohannes et heredes mei uel mei assignati predictam quartam partem aque cum medietate insule et cum omnibus pertinenciis suis predictis custodi et fratribus et eorum successoribus warantizabimus aquietabimus et defendemus contra omnes homines mares et feminas imperpetuum Et ut hec mea donacio concessio et carte mee confirmacio rata firma et stabilis imperpetuum perseueret presenti scripto sigillum meum apposui Hiis testibus Philippo Mymecan Henrico Mace Hugone de Hauuile Iohanne Pagan Iohanne de Fonte Reginaldo Eustace Symone Prat Hugone Griffyn Willelmo Burgan Thoma le Franckalayn de Chelewrthe Roberto Nel Roberto de Aula Thoma Thurstayn et aliis