Charter Document - 00330003
| Charter Number: | 00330003 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1290 |
| Date type: | Assigned |
| Resource Link(s): |
|
Charter:
Sciant presentes et futuri quod ego Iohannes Mareschallus extra portam orientalem Oxonie dedi et concessi et hac presenti carta mea confirmaui Milo de Cohfleye unam seldam cum pertinenciis in bono statu in parochia sancti Clementis extra Oxoniam scilicet illam seldam que est inter vicum qui iacet uersus molendinum Templi ex parte orientali et terram predicti Iohannis ex parte occidentali habendam et tenendam de me et heredibus meis sibi et heredes sui libere et quiete bene et in pace in perpetuum reddendo inde annuatim michi et heredibus meis ipse et heredes sui octo solidos ad quatuor anni terminos scilicet ad festum sancti Iohannis Baptiste duos solidos et ad festum sancti Michaelis ii solidos et ad festum sancti Thome apostoli ii solidos et ad festum beate Marie in Marcio ii solidos pro omni seruicio seculari et demanda Et si ita contigerit quod predictus Milo uel heredes sui defecerint in solutione predicti redditus per duos terminos dabit dictus Milo uel heredes sui dicto Iohanni uel heredibus suis duos solidos pro pena simul cum areragio duorum terminorum Et si predictus Milo uel heredes sui non sustentauerint predictam seldam cum pertinenciis in adeo bono statu sicut eam acceperint uel in solucione predicti redditus duorum terminorum defecerint dictus Iohannes uel heredes sui habeant liberum ingressum sine aliqua contradiccione sicut in mesuagium suum proprium Pro hac autem donacione et concessione et carte mee confirmacione dedit michi dictus Milo dimidiam marcam argenti pre manibus Et ego predictus Iohannes et heredes mei warantizabimus acquietabimus et defendemus dicto Milo et heredes sui predictam seldam cum pertinenciis contra omnes homines mares et feminas In cuius rei testimonium sigilla nostra alternatim apposuimus hiis testibus Samsone le Plomer Hugone le Clerk Willelmo Chaucerel Willelmo del Hak Ricardo le Cu Iohanne de Kinebelle et multis aliis
Source (click image below to view full size)
