Charter Document - 00330002
| Charter Number: | 00330002 |
|---|---|
| Cartulary Title: | The Cartulary of the Hospital of St. John the Baptist [Oxford] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1280 |
| Date type: | Assigned |
| Resource Link(s): |
|
Charter:
Sciant presentes et futuri quod ego Hugo de Plessetis dedi concessi et hac presenti carta mea confirmaui Iohanni Marscallo de Oxonia unam placeam terre mee iacentem in parochia sancti Clementis extra Paruum Pontem Oxonie et iungentem tenemento quod dictus Iohannes ibidem de me tenet ex parte australi et ex parte occidentali uidelicet a tenemento dicti Iohannis continet tantum uersus partem australem quantum continet tenementum fratrum hospitalis sancti Bartholomei ibidem quod de me tenent saluo uico ad molendinum Templi de Couele et uersus partem occidentalem continet dicta placea usque ad proximum arcum Parui Pontis saluo cursu aque currentis per predictum arcum et a predicto cursu continet dicta placea uersus partem orientalem usque ad uenellam que iacet inter tenementum dicti Iohannis et tenementum dictorum fratrum habendam et tenendam dictam placeam cum pertinenciis de me et heredibus meis uel meis assignatis dicto Iohanni et heredibus suis uel suis assignatis libere quiete bene et pacifice iure et hereditario in perpetuum reddendo inde annuatim michi et heredibus meis uel meis assignatis ipse et heredes sui uel sui assignati duos denarios ad festum sancti Michaelis pro omni seruicio seculari exaccione et demanda Et ego predictus Hugo et heredes mei uel mei assignati warantizabimus acquietabimus et defendemus dictam placeam terre dicto Iohanni et heredibus suis uel suis assignatis contra omnes mortales per predictum seruicium in perpetuum Pro hac autem donacione concessione warantizacione acquietacione defensione et presentis carte mee confirmacione dedit michi predictus Iohannes unum bezantium in gersummam pre manibus Et ut hec omnia predicta firma et stabilia permaneant in perpetuum hanc cartam sigilli mei inpressione corroboraui hiis testibus Henrico de Whatele Roberto de Luches Thoma de Merstune Georgio de Luches Ricardo de Samford Iohanne de la Chekere Willelmo Bastard Iohanne de Kenebelle Sampsone le Plumer Petro le Batur Willelmo del Ak Ricardo le Cu Milone Pistore et aliis
Source (click image below to view full size)
