Charter Document - 00330001

Sciant presentes et futuri quod ego Hugo de Plessitis concessi remisi et hac presenti carta mea confirmaui Rogero le Bolterre de Oxonia totam illam terram quam Robertus Faber de Paruo Ponte Oxonie quondam tenuit in parochia sancti Clementis scilicet illam terram que iacet ex parte australi Parui Pontis inter uenellam que ducit uersus molendinum Templariorum sicut mensurata est et sicut mete docent et demonstrant habendam et tenendam de me et heredibus meis sibi et heredibus suis uel quibuscumque dictam terram cum omnibus suis pertinenciis dare uendere legare uel assignare uoluerit exceptis uiris religiosis et Iudaismo libere quiete bene in pace iure et hereditario reddendo inde annuatim michi et heredibus meis ipse et heredes sui uel sui assignati duodecim denarios scilicet ad festum sancti Michaelis sex denarios et ad festum beate Marie in Marcio sex denarios pro omni seruicio seculari exaccione et demanda salua michi secta curie sicut Robertus Faber pro predicta terra facere consueuerat Et ego predictus Hugo et heredes mei warantizabimus aquietabimus et defendemus totam predictam terram cum omnibus suis pertinenciis predicto Rogero et heredibus suis uel quibuscumque dictam terram cum pertinenciis dare uendere legare uel assignare uoluerit contra omnes gentes tam mares quam feminas per predictum seruicium in perpetuum exceptis uiris religiosis et Iudaismo Pro hac autem concessione remissione warantizatione aquietacione defensione et presentis carte mee confirmatione dedit michi predictus Rogerus duas marcas sterlingorum in gersummam et Ysabelle uxori mee duos solidos ad sericum Et ut hec omnia supradicta rata et stabilia permaneant in perpetuum huic carte sigillum meum apposui Hiis testibus domino Ricardo le Poure et domino Rogero Gernun militibus Willelmo de Cumbe Willelmo le Bel tunc seneschallo meo Henrico de Biaufo Willelmo de Mildecumbe Thurstano de Merstune Thoma del Ak Iohanne Stepesofte Waltero de Berencestre Rogero le Sclatere et aliis