Charter Document - 00320064

Hec est conuentio facta inter dominum Rogerum abbatem et conuentum de Persora ex parte una et dominum Willelmum de Bello Campo uicecomitem Wigorn ex altera uidelicet quod cum inter partes predictas super pluribus contentionibus esset huic inde exorta materia questionis tandem pro bono pace inter partes easdem habend concessit dictus dominus Willelmus pro se et heredibus suis dictis abbati et conuentui imperpetuum quod idem abbas et conuentus assartum suum in Romlesduna factum possint excolere et profituum suum inde facere prout melius sibi uiderint expedire Concessit etiam idem dominus Willelmus pro se et pro heredibus suis quod dicti abbas et conuentus habeant et pacifice teneant et quiete percipiant redditum viginti solidorum cum pertinentiis annuatim de Broctona que est de feodo dicti domini Willelmi quem quidem redditum dicti abbas et conuentus emerunt de Roberto de Penedoch Concessit etiam dictus dominus Willelmus pro se et pro heredibus suis quod dicti abbas et conuentus per manus suas et balliuorum suorum leuent et colligant scutagium suum cum acciderit per preceptum domini regis et aliud seruitium sibi debitum quantum pertinet ad feodum unius militis de manerio de Belag et de Yerdelog et inde respondeant quando et ubi fuerit de iure respondendum Concessit etiam idem dominus Willelmus pro se et pro heredibus suis quod contentiones super fossatis et aliis rebus inter manerium de Wykewan et de Bradeweya tempore huius conuentionis exorte et inposterum oriende per belaiam terminentur sicut antiquitus consueuerunt terminari Dictus uero abbas et conuentus concesserunt pro se et successoribus suis quod sectatores scilicet Robertus Marmiun de Bradeweya Rogerus de Milinghore de Mathina Ricardus Andr de Lega Walterus de Caldewell Adam filius domini Petri de Wyk et partiarius suus de Goldecot et eorum heredum et etiam successores faciant sectam ad comitatum Wigorn pro tenementis suis Ita tamen quod si comitatum predictum pro falso iuditio uel communi fine uel pro defalta uel etiam aliunde noue secte amertiari contigerit dicti abbas et conuentus aut alii eorum tenentes siue libere siue uillani ex hoc nullatenus perquirentur uel onerentur set dicti sectarii pro tenementis suis secundum asseruam suam inde plenarie respondeant Et sciendum quod omnes articuli in carta domini regis dictis abbati et conuentui facta contenti excepto articulo de secta prenominata absque omni impedimento uel contradictione dicti domini Willelmi uel heredum suorum plenarie obseruabuntur In cuius rei testimonium presenti scripto in modum cirographi confecto sigilla partium sunt apposita Hiis testibus domino Ricardo abbate Westm domino Theobaldo priore de Hurlegh magistro Simone de Walton tunc domini regis iustitiariis domino Galfrido Warin domino Willelmo de Saltomarisco magistro W de Poywyk Hugone de Kemet et aliis