Charter Document - 00290138
| Charter Number: | 00290138 |
|---|---|
| Cartulary Title: | The Kalendar of Abbot Samson of Bury St. Edmunds |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1182 - 1190 |
| Date type: | Assigned |
| Resource Link(s): |
|
Charter:
Uniuersis sancte matris ecclesie filiis S[amson] dei gratia abbas sancti Edmundi et conuentus eiusdem loci salutem Nouerit uniuersitas uestra nos concessisse et hac nostra carta confirmasse Thome Noel terram quam de nobis tenuit in Dicclesburch sibi et heredibus suis tenendam de ecclesia nostra in feodo et hered[itate] per seruicium inueniendi unum equum precii x solidorum in exercitu domini Regis in Waliam de toto ad custum nostrum Et si equus ille in eodem seruitio domini regis obierit uel alio modo perditus fuerit nos ei equum suum reddemus et ipse nullum seruicium de predicta terra nobis faciet donec equum suum reddiderimus Hanc concessionem ei fecimus saluo eodem tenemento de Dicclesburch Ranulpho de Glanuill et heredibus suis quod ipse tenet de prefato Thoma de dono Walteri filii Willelmi auunculi ipsius Thome cujus propinquior heres ipse est per idem seruicium nostrum Per communem concessum nostrum et Robert[o] de Cokefeld[e] Roberto de Flamuill[e] Rad[ulpho] de Halsted Johanne de Halsted Arnulpho de Herlaua Absolon de Drengeston Humfrido filio Drogonis Thoma de Mendham Waltero de Walesham Ran[ero de Geddyng