Charter Document - 00290124
| Charter Number: | 00290124 |
|---|---|
| Cartulary Title: | The Kalendar of Abbot Samson of Bury St. Edmunds |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1206 - 1211 |
| Date type: | Assigned |
| Resource Link(s): |
|
Charter:
Omnibus ad quos presens scriptum peruenerit Sampson dei gratia abbas sancti Edmundi salutem Sciatis nos concessisse et dedisse et hac presenti carta nostra confirmasse Rogero filio Hugonis de Randeston[e] et heredibus suis in feodo et hereditate unam acram terre arabilis in villa de Palgraue que iacet ad Palefordeheued concessimus etiam eis ut homines nostri de Palgraue faciant sectas suas ad molendinum suum quod situm est infra metas eiusdem ville de Palegraue et ibi molant bladum suum per totum annum et quamdiu ipse Rogerus et heredes sui eis legaliter et fideliter de ministra seruierint absque omni contradiccione nostra vel successorum nostrorum abbatum sancti Edmundi siue seruiencium aut balliuorum nostrorum Et pro hac concessione et donacione et carte nostre confirmacione predictus Rogerus et heredes sui reddent annuatim aule de Palgraue duodecim denarios ad quattuor terminos anni censuales et pro omnibus seruiciis et consuetudinibus Hiis testibus Willelmo de Dice et Ricardo de Hely capellanis Willelmo de Grettingeham senescallo Ricardo de Gosefeld[e] constabulario Gilberto de Stagno Osberto filio Heruei Roberto de Burgate Huberto de Radleston[e] et Rogero fratre suo Thoma filio Sefrei et Roberto fratre suo Roberto Britone