Charter Document - 00290123
| Charter Number: | 00290123 |
|---|---|
| Cartulary Title: | The Kalendar of Abbot Samson of Bury St. Edmunds |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1206 - 1211 |
| Date type: | Assigned |
| Resource Link(s): |
Bodleian Library - MS. Ch. Suffolk 22 |
Charter:
Omnibus ad quos presens scriptum peruenerit presentibus et futuris Johannes filius Roberti de Wurtham salutem Sciatis me resignasse et quietos clamasse et foris jurasse pro me et heredibus meis in perpetuum in plena curia Sancti Edmundi Samsoni abbati Sancti Edmundi et successoribus suis Abbatibus sancti Edmundi Willelmum et Wimerum filios Elfwini de Wurtham cum tota sequela sua et catallis et homagio eorum et omnes terras et tenementa eorum cum omnibus pertinentiis que ad me uel ad heredes meos posset pertinere pro undecim marcis argenti quas Robertus de bosco dedit mihi per sic quod predictos homines omnibus tenementis eorum de predicto Abbate tenere posset Et pro hac quieta clamancia et foris juratione predictus Abbas relaxauit mihi et heredibus meis seruicium duorum denariorum de seruicio quod ei annuatim facere solebam Et ut hec quieta clamancia et foris juratio firma sit et stabilis in perpetuum duratura cum presenti scripto commendaui et sigilli mei appositione corroboraui Hiis testibus Ricardo de Gosfeld Willelmo de Gretingeham Widone de Verdun Willelmo filii Walteri Willelmo le puilleis Huberto de Randeston Gileberto de Stagno Roberto de Elmeswelle Dionisio de Wurtham Galfrido filio Roberti de Wurtham Stephano Walen[si] Walteri de Tilneia et multis aliis