Charter Document - 00290122

Omnibus ad quos presens scriptum peruenerit Sampson dei gratia abbas sancti Edmundi salutem Nouerit uniuersitas uestra nos concessisse et hac presenti carta nostra confirmasse Waltero filio Simonis clerici de Redgraue pro homagio et seruicio suo totam terram quam predictus Simon pater eius tenuit de nobis in Redgraue cum tofta sua que computatur pro viginti sex acris terre arabilis in campis de Redgraue et totam terram que ad eum pertinet iure hereditario et unum pratum quod iacet iuxta pratum ecclesie cum omnibus ad predictam terram pertinentibus tenendam et habendam prefato Waltero et heredibus suis post eum inperpetuum iure hereditario libere et quiete bene et in pace et integre de nobis et de successoribus nostris abbatibus sancti Edmundi per seruicium vi solidorum et iij cumbarum auene annuatim reddendorum aule nostre de Redgraue [ad iii terminos] scilicet ad festum sancti Michaelis ij solidorum et ij cumbas auene et ad purificationem sancte Marie ij solidorum et ad Pascha ij solidorum Preterea inueniet ad magnam precariam nostram in autumno duos homines ad cibum nostrum pro omnibus seruiciis consuetudinibus et exaccionibus Saluo generali auxilio nostro de tanto tenemento quando ponetur per totam Abbaciam Quare volumus et precipimus quod prefatus Walterus omnia predicta tenementa in pace habeat et teneat et habeat libertatem in communis et pasturis sicut ceteri liberi homines nostri de Redgraue Hiis testibus Johanne et Hugone capellanis Magistro Herueo magistro Gilberto magistro Anselmo Arnulfo clerico Willelmo de Gretyngeham senescallo Ricardo de Gosfeld constabulario Roberto balliuo de Redgraue Willelmo filio suo persona Thoma Gernun Henrico Talehasse Bartholomeo de Leic Adam camerario et multis aliis