Charter Document - 00290121
| Charter Number: | 00290121 |
|---|---|
| Cartulary Title: | The Kalendar of Abbot Samson of Bury St. Edmunds |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1206 - 1211 |
| Date type: | Assigned |
| Resource Link(s): |
Bodleian Library - MS. Ch. Suffolk 9 |
Charter:
Omnibus ad quos presens scriptum peruenerit Samson dei gratia abbas Sancti Edmundi salutem Sciatis nos concessisse et dedisse et hac presenti carta nostra confirmasse Waltero de Broch et heredibus suis duas acras prati in villa de Re[d]graue que iacent in prato nostro quod uocatur Dammes iuxta pratum Walteri palmarii tenendas de nobis et de successoribus nostris Abbatibus sancti Edmundi illi et heredibus suis in feodo et hereditate libere et quiete per liberum seruicium duodecim denariorum annuatim reddendorum aule nostre de Redgraue ad duos terminos in anno scilicet ad festum sancti Michaelis sex denariorum et ad pascha sex denariorum pro omni serui consuetudine et exactione Quare uolumus et firmiter precipimus quod prenominatus Walterus et heredes sui habeant predictas duas acras prati plene et integre et honorifice per predictum seruicium Hiis Testibus Willelmo de Dice et Ricardo de Hely capellanis Magistro Herueo Magistro Rogero Magistro Alexandro Magistro Gileberto Willelmo de Gretingeham senescallo Gileberto de Stagno Roberto de Elmeswell[e] Mauricio pincerna Johanne coco Petro de Broch Adam de Herierd Godefrido de Heli Waltero de Tilneia Johanne de Stantun[e] Waltero fratre suo Wimero de camera et pluribus aliis