Charter Document - 00290120
| Charter Number: | 00290120 |
|---|---|
| Cartulary Title: | The Kalendar of Abbot Samson of Bury St. Edmunds |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1182 - 1211 |
| Date type: | Assigned |
| Resource Link(s): |
|
Charter:
Omnibus ad quos presens scriptum peruenerit Sampson dei gratia abbas sancti Edmundi salutem Sciatis nos concessisse et dedisse et hac presenti carta nostra confirmasse Waltero filio Walteri de Broch pro homagio et seruicio suo vij acras terre cum pratum in villa de Redgraue quas Eadethold aliquando tenuit tenendas de nobis et de successoribus nostris abbatibus sancti Edmundi illi et heredibus suis in feodo et hereditate libere et quiete per seruicium xiiij denarios annuatim reddendorum aule nostre de Redgraue ad duos terminos in anno scilicet ad festum sancti Michaelis vij denarios et ad pascha vij denarios et ad annuale auxilium quadraginta solidorum quod ponitur in soka de Redgraue dabit duos denarios scilicet ad festum sancti Michaelis unum denarium et ad Pascha unum denarium et pro una gallina et vi ouis que predicta terra dare solet pro habendo libero introitu et exitu inter alios liberos homines nostros de eadem uilla dabit nobis unum denarium ad Natale Domini pro omni seruicio consuetudine et accione Saluo nobis et successoribus [nostris] generali auxilio nostro de tanto tenemento quando ponetur per totam abbatiam Hiis testibus Willelmo de Disce et Willelmo capellanis magistro Herueo et aliis