Charter Document - 00290119
| Charter Number: | 00290119 |
|---|---|
| Cartulary Title: | The Kalendar of Abbot Samson of Bury St. Edmunds |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1196 - 1200 |
| Date type: | Assigned |
| Resource Link(s): |
|
Charter:
Omnibus ad quos hoc presens peruenerit Sampson dei gratia abbas sancti Edmundi salutem Nouerit uniuersitas uestra nos concessisse et presenti carta confirmasse Galfrido magistro et heredibus suis xxvj acras terre arabilis in Redgraue ex quibus iiij acras et dimidiam iacent in Sketistoft et xxi acras et dimidiam iacent inter Humestoft et Michelwude tenendas de nobis et de successoribus nostris per liberum seruicium iiij solidorum annuatim reddendorum aule nostre de Redgraue ad duos terminos per annum scilicet ij solidorum ad festum sancti Michaelis et ij solidorum ad purificationem beate Marie Quapropter volumus et firmiter precipimus quod prenominatus Galfridus et heredes sui habeant et teneant prenominatam terram bene et in pace plene et integre libere et quiete per predictum seruicium pro omnibus seruiciis consuetudinibus et auxiliis Saluo generali auxilio nostro de tanto tenemento quando ponetur generaliter per alias terras abbacie Hiis testibus Mauricio et Herberto capellanis magistro Stephano magistro Ricardo de Disce magistro Rogero de Walsyngeham magistro Gilberto Roberto de Flanuille Gilberto de stagno Adam Talebot Mauricio pincerna Johanne coco Adam dispensatore Johanne de Pakynham Rogero Brytone Huberto filio Odonis Rogero filio Lofrici Ricardo clerico et aliis multis