Charter Document - 00290111
| Charter Number: | 00290111 |
|---|---|
| Cartulary Title: | The Kalendar of Abbot Samson of Bury St. Edmunds |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1189 - 1200 |
| Date type: | Assigned |
| Resource Link(s): |
Bodleian Library - MS. Ch. Suffolk 25 |
Charter:
Notum sit tam presentibus quam futuris quod ego Samson dei gratia abbas sancti Edmundi et conuentus eiusdem ecclesie unanimi assensu et uoluntate in pleno capitulo concessimus et dedimus et presenti carta sigillorum nostrorum appositione confirmauimus Nicholao de Geddinges et heredibus suis in feodum et hereditatem quadraginta duas acras arabiles cum uno masagio et iiij acras prati et dimidiam et dimidiam rodam in uilla de Mildenhale que omnia ipse Nicholaus tenuerat in eadem uilla de anno in annum scilicet tempore Ricardi de Clara uniuersa de nobis iure hereditario tenenda per seruitium xi solidorum annuatim reddendorum aule nostre de Mildenhale ad iiij terminos anni censuales in eadem uilla pro omnibus seruiciis et consuetudinibus saluo generali auxilio abbatis et conuentus ad quod ipse Nicholaus et heredes sui dabunt iiij solidos quando scilicet generaliter auxilium commune ponetur per omnia maneria abbatie et per predictos iiij solidos quieti erint de communi auxilio Quare uolumus et firmiter precipimus ut predictus Nicholaus et heredes sui post eum in perpetuum teneant et habeant prenominatas terras libere et quiete plene et integre et honorifice per prenominatum seruitium Hiis testibus Roberto priore Hermero subpriore Ricardo cantore Roberto celerario Hugone sacrista Rogero camerario Waltero medico Dyonisio et Willelmo capellanis Roberto de Flamauill[e] senescaldo Herueo de Gedding Magistro Stephano Magistro Osberto Rogero clerico de Walsin[geham] Bartholomeo de Gedding Durando de Elmeswell[e] Willelmo de Pakeham Radulfo portario Willelmo nigro Adam Talebot Mauricio pincerna Johanne coco Adam infirmario et aliis multis