Charter Document - 00290110
| Charter Number: | 00290110 |
|---|---|
| Cartulary Title: | The Kalendar of Abbot Samson of Bury St. Edmunds |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1189 - 1200 |
| Date type: | Assigned |
| Resource Link(s): |
Bodleian Library - MS. Ch. Suffolk 24 |
Charter:
Samson dei gratia abbas sancti Edmundi et totus eiusdem ecclesie omnibus hominibus et amicis suis francis et Anglis presentibus et futuris salutem Uniuersitati uestre notum esse volumus nos unanimi assensu et voluntate in plene capitulo concessisse et presenti carta confirmasse Radulfo filio Lamberti et heredibus suis in feodum et hereditatem totam terram quam Ulfketellus sacerdos tenuit in villa de Mildenhale et totam terram que uocatur Hachesland tenendas de nobis in perpetuum iure hereditario per seruitium decem solidorum annuatim reddendorum aule nostre de Mildenhale ad quattuor terminos anni censuales in eadem uilla pro omnibus seruitiis et consuetudinibus Saluo nobis communi auxilio nostro de tanto tenemento quando generaliter ponetur per alia maneria nostra Quare uolumus et firmiter precipimus ut prenominatus Radulfus et heredes sui post eum in perpetuum teneant et habeant prenominatas terras libere et quiete plene et integre bene et in pace per prenominatum seruicium Ita tamen quod si terras prescriptas aut aliquam earum partem perdiderint per iudicium contra aliquem nos aut successores nostri non tenebimur eis ad ex cambium reddendum Hiis testibus Roberto priore Hermero subpriore Ricardo cantore Hugone sacrista Roberto celerario Rogero camerario Waltero medico Dyonisio et Willelmo capellanis []