Charter Document - 00290108
| Charter Number: | 00290108 |
|---|---|
| Cartulary Title: | The Kalendar of Abbot Samson of Bury St. Edmunds |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1189 - 1200 |
| Date type: | Assigned |
| Resource Link(s): |
Bodleian Library - MS. Ch. Suffolk 19 |
Charter:
Samson dei gratia abbas sancti Edmundi et conuentus eiusdem ecclesie omnibus hominibus et amicis suis francis et anglis presentibus et futuris salutem Uniuersitati uestre notum esse uolumus nos unanimi assensu et uoluntate in pleno capitulo concessisse et dedisse et presenti carta confirmasse Radulfo de Colum seruienti nostro et heredibus suis in feodum et hereditatem unum masuagium viii acrarum in uilla de Midehal que iacet iuxta masagium Benedicti per seruitium xiiij denarios Et iiij acras terre arabilis in eadem uilla quas Willelmus mercator aliquando ad censam tenuit et unum pratum in Segeslineuell quod pertinet ad eandem terram per seruitium xxviij denarios annuatim reddendorum aule nostre de Midehal ad iiij terminos anni censuales in eadem uilla Concessimus etiam eis x acras de dominico nostro quas Ricardus prepositus aliquando tenuit ad censam de anno in annum iure hereditario de nobis tenendas per seruitium xxx denarios annuatim reddendorum Concessimus eis totam terram que fuit Wlfwardi filii Sibrith cum omnibus pertinentiis suis in uilla de Midehal quam scilicet predictus R[adulfus] emit a iam dicto Wlfward et ipse Wlfw[ard] in curia sancti Edmundi ad magna placita reddidit pro se et heredibus suis ad opus predicti Radulfi et heredum suorum in perpetuum quietam clamauit per seruitium quod terra illa debet per seruitium scilicet nouem denariorum annuatim reddendorum Hec omnia prenominata concessimus predicto Radulfo et heredibus suis hereditario de nobis tenenda faciendo prescripta seruitia annuatim aule nostre de Midehal ad iiij terminos anni censuales in eadem uilla inueniendo etiam preter hoc carrucam bis in omni anno ad magnas precarias nostras in eadem uilla scilicet semel in hieme et semel in uere ad cibum aule nostre sicut alii liberi homines nostri eiusdem uille faciunt Inueniendo etiam iiij homines ad duas magnas precarias nostras annuatim duos scilicet ad primam et ij ad secundam ad cibum nostrum forma superscripta pro omnibus seruitiis et consuetudinibus Saluo eo quod non tenebimur eis ad aliquod escambium de duabus terris postremo nominatis si pro eis in causam tracti fuerint et eas totas aut earum partes aliquas per iudicium amiserint Quare uolumus et firmiter precipimus ut prenominatus Radulfus et heredes sui post eum in perpetuum teneant et habeant prenominatas terras cum omnibus pertinentiis suis libere et quiete plene et integre bene et in pace per prenominata seruitia Saluo nobis in perpetuum generali auxilio nostro de tanto tenemento quando communiter ponetur per alia maneria nostra Hiis testibus R[oberto priore] []