Charter Document - 00290089
| Charter Number: | 00290089 |
|---|---|
| Cartulary Title: | The Kalendar of Abbot Samson of Bury St. Edmunds |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1182 - 1211 |
| Date type: | Assigned |
| Resource Link(s): |
|
Charter:
Notum sit tam presentibus quam futuris quod ego S[amson] dei gratia abbas sancti Edmundi et conuentus eiusdem loci concessimus et presenti carta confirmauimus Henrico de Hildercle et heredibus suis in feodum et hereditatem xxiij acras terre quas Petrus presbiter tenuit in eadem uilla de aula nostra per seruitium xvij denarios quolibet anno eidem aule reddendorum ad festum sancti Michaelis et vj summarum auene reddendarum annuatim ad festum sancti Andree eadem mensura quam ceteri reddunt pro terris suis qui similiter auenam reddunt pro terris suis in ipsa uilla et pro tribus precariis in augusto ad quamlibet illarum inueniendo unum hominem ad cibum aule et pro vj araturis per annum ad cibum aule et septima aratura ad cibum et ceruisiam Et iam dicta seruitia faciendo erint quieti Henricus et heredes sui ab omnibus aliis seruiciis et consuetudinibus saluo generali auxilio de tanto tenemento quando communiter ponetur per octo hundredos et dimidium Et saluo eo quod si in curia per iudicium terram illam uel partem eius perdiderint non tenebimur eis ad excambium Quare uolumus et firmiter precipimus ut sepe dictus Henricus et heredes sui post eum in perpetuum teneant et habeant supradictum tenementum cum omnibus ad idem tenementum pertinentibus libere et quiete plene et honorifice bene et in pace sicut aliquis ante eum illud unquam melius plenius et liberius tenuit Hiis testibus Magistro Dion[isio]