Charter Document - 00290059
| Charter Number: | 00290059 |
|---|---|
| Cartulary Title: | The Kalendar of Abbot Samson of Bury St. Edmunds |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1186 - 1200 |
| Date type: | Assigned |
| Resource Link(s): |
Bodleian Library - MS. Ch. Suffolk 23 |
Charter:
Samson dei gratia abbas sancti Edmundi omnibus fidelibus Sancti Edmundi salutem Notum sit uobis omnibus quod ego consilio meorum liberorum hominum concessi Ailmaro filio Ailwardi de Fornham molendinum quod appellatur Ailmeres Melne et heredibus suis in hereditatem quod molendinum solebat reddere antecessoribus meis in denariis xxvi solidis per annum ad tenendum pro xxx solidis annuatim reddendis aule de Fornham ad iiij firmas quas ipsa uilla reddit per annum ad quamlibet firmam scilicet vij solidis et vj denarios saluis aliis consuetudinibus quas idem molendinum facere debet et consueuit Concessi etiam eidem Ailmaro et heredibus suis quoddam paruum pratum ad capud stagni eiusdem molendini per seruitium quod idem pratum facere solebat videlicet vij uomeres per annum ad aulam de Fornham pro omnibus seruitiis Concessi etiam eis ut habeant in perpetua in curia sua xl matrices oues liberas ad falda aule de Fornham et quietas Quare uolo et firmiter precipio quod idem Ailmarus et heredes sui teneant prenominatum molendinum et pratum cum omnibus rebus ad eandem pertinentibus et habeant predictam libertatem ouium per prenominatum seruitium Hiis Testibus Hugone et Willelmo capellanis Roberto de Flamauill[e] senescaldo Magistro Stephano Magistro Osberto Rogero de Walsing[ham] Magistro Rann[ulf] Ricardo Romano Willelmo de granario Adam Talebot Radulfo dispensatore Mauritio pincerna Johanne coco Alano de Stowe Hamone patre suo Lemmaro de Fornham Roberto de Fordham et aliis multis