Charter Document - 00290058
| Charter Number: | 00290058 |
|---|---|
| Cartulary Title: | The Kalendar of Abbot Samson of Bury St. Edmunds |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1196 - 1206 |
| Date type: | Assigned |
| Resource Link(s): |
Bodleian Library - MS. Ch. Suffolk 21 |
Charter:
Omnibus ad quos presens scriptum peruenerit Samson dei gratia abbas Sancti Edmundi salutem Sciatis nos concessisse et hac presenti carta nostra confirmasse Henrico filii Thurstani et heredibus suis molendinum quod dicitur Salemundesforde cum tota terra arabili et prato ad idem molendinum pertinentibus que omnia annuatim reddere consueuerunt viginti septem solidos duobus denari minus aule nostre de Fornham uniuersa de nobis et de successoribus nostris hereditarie tenenda cum omnibus libertatibus et liberis consuetudinibus ad eadem pertinentibus ad emendationem et ad incrementum ville de Fornham per liberum seruicium triginta solidos annuatim reddendorum aule de Fornham ad quattuor terminos anni censuales pro omnibus seruitiis consuetudinibus et exactionibus Preterea concessimus prefato Henrico et heredibus suis octo acras terre cum pertinentiis in Hemegrethe quas Willelmus presbiter tenuit tenendas de nobis et de successoribus nostris in feodo et hereditate per liberum seruicium duorum solidos annuatim reddendorum prefate aule nostre de Fornham ad predictos quattuor terminos anni censuales pro omnibus seruitiis consuetudinibus et exactionibus Quare uolumus et firmiter precipimus ut prenominatus Henricus et heredes sui habeant et teneant omnia prenominata scilicet molendinum cum tota terra arabili et prato ad idem molendinum pertinentibus et octo acras terre in Hemegreth cum pertinentiis libere et quiete plene et integre et honorifice per prenominatum seruitium Saluo generali auxilio nostro quando ponetur per totam Abbatiam Hiis Testibus Mauricio et Willelmo capellanis Magistro Herueio de Sancto Edmundo magistro Rogero de Walsingeham Magistro Gileberto de Walesham Magistro Ranulfo Willelmo de Hastinges senescallo Ricardo de Gosfeld constabulario Benedicto de Blakeham Roberto de Hornigesherth Toma de Hemegreth Willelmo de Wridewell[e] Alexandro fratre suo Salomone de Wepsted[e] Gileberto de Stagno Mauricio pincerna Johanne de Pakeham Toma Gernum Samsone Talebot et multis aliis