Charter Document - 00290026
| Charter Number: | 00290026 |
|---|---|
| Cartulary Title: | The Kalendar of Abbot Samson of Bury St. Edmunds |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1206 - 1209 |
| Date type: | Assigned |
| Resource Link(s): |
|
Charter:
Uniuersis sancte matris ecclesie filiis ad quos presens scriptum peruenerit Sampson dei gratia abbas sancti Edmundi et totius conuentus eiusdem loci eternam in domino salutem Nouerit uniuersitas uestra nos unanimi assensu et uoluntate pro salute domini Johannis illustris regis Anglie et pro redemptione animarum omnium predecessorum regum Anglie et nostrarum concessisse et dedisse in puram et perpetuam elemosinam deo patri et sancto saluatori locum illum in quo hospitale quod dicitur sancti saluatoris situm est extra villam sancti Edmundi ex parte aquilonali cum suis pertinenciis ad susceptionem pauperum Christi et languidorum pro necessitatibus et indigentiis suis ad predictum locum concurrentium Preterea concessimus et dedi mus prefato hospitali sancti saluatoris ad pauperum sustentationem xij libras argenti de uilla nostra de Ikelingham per manum sacriste nostri annuatim percipiendas Necnon duas porciones ecclesie nostre de Meleford cum omnibus ad illas duas porciones pertinentibus Preterea concessimus et dedimus eidem loco duas porciones dominicarum decimarum de Wirlingworth[e] de Saham de Tilneye de Elmeswelle de Elueden de Heringwelle de Neuetone de Cokefeld et in eadem uilla de Cokefelde et viij acras bladi annuatim duas scilicet de frumento duas de siligine duas de ordeo duas de auena Et in hiis villis nostris tercias porciones dominicarum decimarum de Pakenham de Rungeton de Tefteshale de Culford de Hornyngesherd de Chelesworth Concessimus etiam eis omnes decimas nouorum assertorum in uillis nostris de Redgraue de Rikinghale et terciam porcionem decimarum de adquisicione super mariscum in Tylneye Domos eciam nostros de Thefford cum omnibus pertinenciis saluo seruicio annuo monachorum scilicet ii solidorum et canonicorum xii denarios Et ut hec nostra donacio et concessio rata sit et stabilis inperpetuum eam presenti scripto commendauimus et sigillorum nostrorum apposicione corroborauimus Hiis testibus Herberto priore sancti Edmundi Hermero subpriore Waltero sacrista Gocelino Celerario Roberto camerario Gocelino elemosinario Willelmo et Ricardo capellanis Willelmo de Gretyngham senescallo Ricardo constabulario magistro Stephano magistro Rogero magistro Herueio magistro Alexandro magistro Gileberto Benedicto de Blakeham Ricardo de Icworth Roberto de Hornyngesherd Willelmo de Wridewelle Alexandro fratre eius Gilberto de stagno Ricardo Romano Salomone de Wepstede Alano de Stowe et multis aliis