Charter Document - 00290025
| Charter Number: | 00290025 |
|---|---|
| Cartulary Title: | The Kalendar of Abbot Samson of Bury St. Edmunds |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1186 - 1200 |
| Date type: | Assigned |
| Resource Link(s): |
|
Charter:
Sampson dei gratia Abbas sancti Edmundi et conuentus eiusdem ecclesie omnibus ad quos presens scriptum peruenerit eternam in Christo salutem Universitati vestre notum esse volumus nos unanimi assensu et voluntate in pleno capitulo pro salute animarum nostrarum concessisse et presenti carta confirmasse Hospitali sancti Saluatoris quod est extra portam aquilonalem ville sancti Edmundi ad sustentacionem pauperum Christi predictum Hospitale inhabitantium in liberam puram et perpetuam elemosinam xii libras annuatim eis de sacristia nostra plene et sine omni contradictione et molestia reddendas ad iiij terminos scilicet in festo sancti Michaelis ix solidorum ad Natale ix solidorum ad Pascha ix solidorum et in festo sancti Johannis baptiste ix solidorum per manum sacriste sancti Edmundi quicumque sacrista fuerit In cuius custodia et diligenti provisione uolumus predictum Hospitale et fratres immobiliter manere ut eis in omnibus caritatiue prouideat et omnes res suas in custodia habeant et secundum dei timorem de eis disponat Hiis testibus Roberto priore sancti Edmundi Hermero subpriore Ricardo cantore Rogero celerario Hugone sacrista Hugone tertio priore Henrico infirmario Willelmo et alio Willelmo capellanis magistro Stephano magistro Osberto Rogero de Walsingham magistro Ranulfo Benedicto et Ranulfo capellanis Durando de Elmiswellis