Charter Document - 00290023

Omnibus sancte matris ecclesie filis ad quos presens scriptum peruenerit Sampson dei gratia abbas sancti Edmundi eternam in Christo salutem Uniuersitati uestre notum fieri volumus contenciones et discordias inter Benedictum de Blakeham et infirmos fratres extra villam sancti Edmundi commorantes sepius motas pro consuetudinibus quibusdam quas ipsi fratres ab eodem Benedicto exigebant utrisque partibus coram nobis constitutis hac conuencione esse sopitas videlicet quod prefatus Benedictus et heredes sui reddent Elemosinario sancti Edmundi ad opus predictorum fratrum quolibet anno proxima dominica die ante Natale Domini x solidorum et ix denarios pro duabus septimanis sequentibus et in vigilia Pasch x solidorum et ix denarios pro duabus septimanis sequentibus similiter in vigilia Pentecost x solidorum et ix denarios pro duabus septimanis sequentibus Et preterea reddent predicto Elemosinario ut predictum est ad opus eorundem infirmorum singulis aliis dominicis diebus tocius anni v solidorum iiij denarios et ob et preterea memoratus Benedictus et heredes sui mittent quolibet anno de Lacford prefatis fratribus in vigilia sancti Edmundi vi rationabiles trussas st[ra]menti et in vigilia Natale Domini vi et in vigilia Pasch vi Preter hoc prenominatus Benedictus et heredes sui renouabunt et sustinebunt propriis sumptibus domum lapideam in qua sepe dicti fratres manent cum camera ad eandem domum pertinente et coquinam eorum et alias tres domos unam scilicet longitudinis xxxiiij pedum et latitudinis xvii pedum et altitudinis sub trabibus ix pedum aliam vero domum longitudinis xx pedum et latitudinis xv pedum et altitudinis sub trabibus vii pedum terciam autem domum longitudinis xxxix pedum et latitudinis xviii pedum et altitudinis sub trabibus vii pedum et dimidii et unam Gallinariam et unam priuatam ad opus seruiencium Preterea sepe memoratus Benedictus et heredes sui claudent curiam ipsorum fratrum et pomerium eorum quod est situm ab occidentale parte domus eorum ita rationabiliter ne per defectum clausure fratres aliquod dampnum incurrant Spacium autem eiusdem clausure hoc erit videlicet a boreali parte xvi perticarum ab occidentali xiiij perticarum ab australi vero xiii perticarum et xii pedum Similiter et particulas quas ab orientali parte eiusdem pomerii claudi oportebit claudent Benedictus et heredes sui sicut opus erit ad conseruandum pomerium ex illa parte Has consuetudines facient sepe dictus Benedictus et heredes sui post eum inperpetuum infirmis fratribus ibidem commorantibus Et ita pax et concordia firma erit inter Benedictum et heredes suos et eosdem fratres ut Benedictus vel heredes sui nichil consuetudinem in hoc cyrographo memoratur[us] ipsis fratribus de iure possint subtrahere nec fratres aliquid ultra ab eis de debito exigere et ne iam dicta conuencio sine longitudine temporis sine obliuione vel morte hominum aliquam in dubitacionem veniat consultum huius eandem conuencionem cyrographo inter eos facto perpetue mandare memorie Sigillo nostro utrique parti cyrographi in testimonium appendente Huic conuencioni nobiscum intererant testes hii Robertus tunc prior Robertus cellerarius Hugo sacrista Roaldus Elemosinarius magister Deonisius Radulfus et Adam capellani Benedictus presbiter de sancto Edmundo Absolon presbiter Rogerus clericus de Wa[l]singeham magister Gillebertus Hamo de Stowe et Alanus filius suus Salomon de Whepsted Johannes filius Barth[ol]omei Radulfus portarius Willelmus [ar]miger de Turstone Reginaldus de Brocle Normannus de Risby Adam camerarius et alii multi