Charter Document - 00279038
| Charter Number: | 00279038 |
|---|---|
| Cartulary Title: | The Thame Cartulary |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1246 |
| Date type: | Internal, Calendar, Papal |
| Resource Link(s): |
Reference Document for this Embedded Document |
Charter:
Innocentius episcopus seruus seruorum dei dilecto filio priori Radingie Sarisburiensis dioecesis salutem et apostolicam benedictionem Ne dilecti filii abbas et conuentus de Thama Cisterciensis ordinis Lincolniensis dioecesis a sancte contemplacionis ocio cui se totaliter donauerunt per sollicitudinem bonorum temporalium in quibus nonnulli qui nomen domini recipere in uacuum non formidant multipliciter [eos] ut asserunt inquietant desistere compellantur Nos uolentes eorum prouidere quieti et molestantium malitiis obuiare discretioni tue per apostolica scripta mandamus quatenus ipsis abbati et conuentui assistens efficaciter non permittas ipsos contra indulta sedis apostolice ab aliquibus indebite molestari molestatores huiusmodi per censuram ecclesiasticam appellatione postposita compescendo presentibus post triennium minime valituris Datum Lugduni xvii kal Aprilis pontificatus nostri anno tercio
Source (click image below to view full size)
