Charter Document - 00250005
| Charter Number: | 00250005 |
|---|---|
| Cartulary Title: | Records of Harrold Priory |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1165 - 1170 |
| Date type: | Assigned |
| Resource Link(s): |
|
Charter:
Willelmus rex Scot[torum] episcopis abbatibus comitibus baronibus et omnibus aliis probis suis hominibus totius terre sue tam clericis quam laicis tam Francis quam Anglis salutem Sciant tam presentes quam futuri me concessisse et hac carta mea confirmasse pro salute mea et pro salute omnium parentum meorum et antecessorum Deo et ecclesie beati Petri de Harewolde et monialibus ibidem Deo servientibus et fratribus easdem moniales secundum institutiones ecclesie Sancti Nicholai de Arrowasia tuentibus omnes donationes quas Samson Fortis et Robertus filius Pagani de Breuse illis donaverunt et cartis suis confirmaverunt in ecclesiis in decimis in terris in aquis in pratis in pascuis in piscatione in bosco et in pasnagio et in omnibus aliis rebus quas illis in elemosinam contulerunt ut eas habeant et possideant in perpetuam elemosinam liberas et quietas et ab omni seculari servitio et exactione absolutas sicut carte eorum testantur et sicut carta Malculmi fratris mei testatur Hiis testibus Nicholao cancellario Ricardo capello comite Simine Galfrido Ridello Roberto Foliot Roberto de Costentin Roberto Wilibi Helia Foliot Simine Essebeje Thoma Barton