Charter Document - 00240037
| Charter Number: | 00240037 |
|---|---|
| Cartulary Title: | The Cartulary of Snelshall Priory |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1251 - 1262 |
| Date type: | Assigned |
| Resource Link(s): |
|
Charter:
[O]mnibus Christi fidelibus ad quos presens scripture peruenerit frater H prior de Snelleshaie et eiusdem loci conuentus salutem Noueritis nos unanimi consensu tocius capituli nostri concessisse Willelmo de Iarpeuile et heredibus suis tres multuras bladi sui per annum sine pitacione [vel] tolneti ad molendinum nostrum aduentum in communi pastura de Tateho infra parochiam eiusdem ville situm videlicet multuram duorum quartiorum bladi ad Natale domini et duorum quartorum bladi ad Pascha et duorum quartorum ad festum Sancti Laurencii vna cum basiis suis et cum farina de auena ad molendinum predictum facienda domui sue de Tateho per annum necessaria Si autem contigerit quod predictum molendinum aliquo casu uel inpedimento obstantibus molere non possit et non tenebimus dicto Willelmo uel heredibus suis ad predictam multuram faciendam terminis prescriptis racione alterius concessionis dicto Willelmo et heredibus suis a nobis facere Si quam predictum molendinum molere poterit dietus dictus Willelmus uel heredes sui multuram proximo futuram resumant Preterea concessimus predicto Willelmo et heredibus suis multuram primam post multuram nostram uel post multuram illius cuius bladi in binno fuerit proprius post nostram multuram In cuius rei testimonium hoc presens scripture eidem fieri fecimus in modum cyrograffi confectum eius tenor penes nos sub sigillo eiusdem Willelmi residet Hiis testibus domino Oliuero de Aspreuilla domino Warino de Brakeham Waltero de Walda Hugone de Bragham Alexandro filio Mile et aliis
Source (click image below to view full size)
