Charter Document - 00240009
| Charter Number: | 00240009 |
|---|---|
| Cartulary Title: | The Cartulary of Snelshall Priory |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1226 - 1248 |
| Date type: | Assigned |
| Resource Link(s): |
|
Charter:
[S]ciant presentes et futuri quod ego Paulus Peyuere intuitu caritatis et pro deo et salute anime mee et Iohanne uxoris mee et antecessorum et successorum nostrorum dedi et concessi et hac presenti carta mea confirmaui deo et ecclesie Sancti Leonardi de Snelleshale et fratri I priori et monachis ibidem deo seruientibus in liberam et perpetuam elemosinam et quantum ad me et heredes meos pertinet puram Redditum quatuor sollidorum quem michi reddere solebant annuatim de tenemento quod de me tenent in Tatheno et augmentum illud curie prioratus sui quod fecerunt in boscho meo de Tatheno uersus occidentem et preterea remisi eis et successoribus suis in perpetuum et quietam clamaui sectam curie mee de Tatheno et omnimoda alia seruicia secularia et exacciones de tenementis que de me tenent in eadem uilla Ita quod illi et successores sui habeant et teneant locum prioratus sui de Snelleshale cum pertinenciis suis et omnia predicta tenementa in feodomeo sita de cetero que de me tenent in eadem uilla de me tamquam de domino et aduocato suo et de heredibus meis in perpetuum in liberam et perpetuam et quantum ad me et heredes meos pertinet puram elemosinam Et ego Paulus et heredes mei predicta tenementa predicto priori et successoribus suis quamdiu terra de Thatheno in manu nostra uel heredum nostrorum fuerit warantizabimus Quod ut ratum et stabile sit inperpetuum in huius rei testimonium hoc presens scriptum sigilli mei impressione corroboraui Hiis testibus Willelmo filio Hamonis Thoma Mansel Petro Barre Gaufrido de Lufton Iohanne filio Yuonis et aliis
Source (click image below to view full size)
