Charter Document - 00180124
| Charter Number: | 00180124 |
|---|---|
| Cartulary Title: | Feudal Documents from the Abbey of Bury St. Edmunds |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1121 - 1148 |
| Date type: | Assigned |
| Resource Link(s): |
Bodleian Library - MS. Ch. Suffolk 2 |
Charter:
Anselmus dei gratia abbas sancti Eadmundi omnibus hominibus suis francis et anglis salutem Sciatis quod ego petitione et concessu tocius conuentus sancti Eadmundi concessi Leoni et heredibus suis post eum manerium de Hemegrede in feudum et in hereditatem ad tenendum de altari sancti Edmundi et de sacrista de quo reddet ipse Leo et heredes sui post eum singulis annis ad altare centum solidos statutis terminis et in v feria Pasce x solidos ad pitanciam firme usque ad obitum domini Talboti Post obitum uero domini Talboti reddentur predicti decem solidi in die anniuersarii sui uno quoque anno ad pitanciam Quare uolo et precipio quod bene et libere et honorifice Leo illud teneat et heredes sui post eum in terris et in aquis in uiis in hominibus in pratis in pascuis in molendinis in exitibus in redditibus et in omnibus rebus sicuti umquam aliquis ante eum illud manerium quietius siue liberius tenuit Prohibeo igitur ne quis ei iniuriam uel contumeliam aut molestiam inferat Hi sunt testes Willelmus prior Gocelinus Ricardus Cardun Eudo Radulfus sacrista Mauricius dapifer Adam de Cochefed Willelmus filius Alboldi Robertus filius eius Rodbertus de Haldsted Walterus de Risebi Renialdus camerarius Gaufridus de Meleforde Osbern de Medl Iordanus presbiter Eadward de Heppeworde