Charter Document - 00159061
| Charter Number: | 00159061 |
|---|---|
| Cartulary Title: | Eye Priory Cartulary and Charters |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1216 |
| Date type: | Internal, Calendar, Papal |
| Resource Link(s): |
Reference Document for this Embedded Document |
Charter:
Honorius episcopus servus servorum Dei dilectis filiis abbati Sancti Eadmundi et eiusdem loci et de Breset prioribus Norwicensis dioecesis salutem et apostolicam benedictionem Querelam prioris et conventus de Eya recepimus continentem quod J[ohannes] archidiaconus Wigornensis et quidam alii Norwicensis dioecesis super ecclesia de Badingeham ad eos de iure spectante at rebus aliis iniuriantur eisdem Ideoque discretioni vestre per apostolica scripta mandamus quatinus partibus convocatis audiatis causam et appellatione remota fine debito terminetis facientes quod decreveritis per censuram ecclesiasticam firmiter observari Testes autem qui fuerint nominati si se gratia odio vel timore subtraxerint simili censura cessante appellatione cogatis veritati testimonium perhibere Quod si non omnes hiis exequendis potueritis interesse duo vestrum ea nihilominus exequantur Dat Lateran[i] viii idus Septembris pontificatus nostri anno primo
Source (click image below to view full size)
