Charter Document - 00140255

Universis sancte matris ecclesie filiis ad quos presens scriptum pervenerit prior Christi Ecclesie de Thwinham Winton diocesis salutem in domino Rerum gestarum series idcirco litteris commendatur ne lapsu temporis humana prolabente memoria ex jam sopite litis materia litem suscitandi posteris occasio preparetur ne quod provisum est ad concordiam tendat ad noxam et ne innocencie malicia vel ignoraneia prejudicium pariat et jacturam sane cum causa que vertebatur inter karissimos nobis in Christo venerabiles patres abbatem et conventum montis sancti Michaelis de periculo maris Abrincem diocesis ex una parte et abbatem et conventum Belli Loci Regis Winton diocesis ex alia super quibusdam decimis quas petebant a predictis abbate et conventu montis sancti Michaelis prefati abbas et conventus Belli Loci tanquam ad ecclesiam sancti Kaverani in Cornubia in diocesi Exon de jure pertinentes nobis esset a domino papa commissa Ex parte memoratorum abbatis et conventus montis sancti Michaelis comparuit coram nobis prio vel custos montis sancti Michaelis in Cornubia Exon diocesis sufficienter instructus per litteras rati habitationis nobis ex parte abbatis et conventus sancti Michaelis de periculo maris porrectas et confectas in hunc modum [] Porro dicto priore vel custode montis sancti Michaelis in Cornubia et fratre W de Millebroc monacho Belli Loci procuratoribus dictorum abbatum et conventuum in nostra presencia constitutis et predictis litteris procuratoris abbatis et conventus sancti Michaelis diligenter inspectis ipse prior vel custos nomine abbatis et conventus sancti Michaelis renunciavit omni juri si quod habuit vel habere potuit abbacia sancti Michaelis in decimis memoratis confitens nichilominus predictas decimas scilicet et omnes decimas de quibuscumque terris vel prediis urbanis aut rusticanis in parochia sancti Kaverani sitas et etiam decimas magnas et minutas prediales aut personales de omnibus et singulis parochianis ecclesie sancti Kaverani pro ut dixerant et pecierant predicti abbas et conventus Belli Loci in editione sua pleno jure ad ecclesiam sancti Kaverani pertinere percipiendas libere et quiete et integraliter infra limites parochie sancti Kaverani presertim cum nullum instrumentum vel munimentum per quod in jure percipiendi decimas ipsas tueretur afferre in judicium potuisset Renunciavit etiam quantum ad decimas predictas nomine sepefatorum abbatis et conventus sancti Michaelis omni juris auxilio et beneficio competenti vel competituro omnibus impetratis et impetrandis Omni privilegio fori Ita quod si imposterum aliquod munimentum vel instrumentum ex parte vel pro parte ipsorum abbatis et conventus super predictis decirnis contingeret apparere fore concessit irritum et inane tanquam plena facta renunciatione in omnibus et super omnibus que possent ullo tempore pro eis facere quantum ad decimas memoratas Procurator vero abbatis et conventus Belfi Loci benigne remisit ei omnes fructus a longis retro temporibus perceptos cum omni causa et ex firma pietate ac gratuita munificencia in alleviationem sumptuum quos fecerat sepefatus prior vel custos in lite prosequenda et pro bono pacis dedit ei nomine abbatis et conventus Belli Loci ipsi scilicet priori vel custodi nomine abbatis et conventus sancti Michaelis xxv marcas sterlingorum Nos igitur hec omnia coram nobis solempniter acta auctoritate judiciaria duximus approbanda presentis scripti patrocinio et sigilli nosui munimine confirmantes auctoritati domini pape qua fungimur statuentes ea firmiter inperpetuum inconcusso robore ab omnibus observandam Si quis autem contra hec venire temere presumpserit late excommunicationis sentenciam se noverit incursurum Et ut habundantiorem cautelam presenti scripto sigilla predictorum abbatum una cum sigilli nostri munimine decrevimus et precepimus appendi Ipse vero prior vel custos montis sancti Michaelis in Cornubia promisit in ordine suo et in verbo veritatis se laboraturum bona fide ad hoc ut sigillum abbatis et conventus sancti Michaelis presenti scripto appendatur infra festum sancti Michaelis proximo futurum Quod siu appensum fuerit siu non nichilominus omnia suprascripta pro ut taxatum et ordinatum est coram nobis irrefragabili stabilitate inperpetuum vallabantur Ipse etiam prior vel custos sancti Michaelis in Cornubia suum sigillum quo utitur pro negociis custodit vel prioratus sui presenti scripto appendit Actum in Ecclesia Christi de Thwinham anno domini mcc tricesimo octavo