Charter Document - 00130242
| Charter Number: | 00130242 |
|---|---|
| Cartulary Title: | The Cartulary of Missenden Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1240 - 1258 |
| Date type: | Assigned |
| Resource Link(s): |
|
Charter:
Omnibus Christi fidelibus presens scriptum uisuris Willelmus de Husseburne filius Helie canonicus Wellensis salutem in domino Noueritis me caritatis intuitu et pro salute anime mee et benefactorum meorum in perpetuam elemosinam dedisse canonicis de Messenden ibidem deo seruientibus et seruituris redditum trium solidorum quem emi ab eis uidelicet illos tres solidos quos Walterus le macecren de Wendouere predictis canonicis annuatim reddere solebat Predictos autem tres solidos dedi et assignaui specialiter ad unam pitanciam singulis annis in perpetuum die anniuersario obitus mei ad opus operis dictorum canonicorum inueniendam Et predicti tres solidi singulis annis per manus scelerarii de Messendene recipientur et prout predictum est in pitancia expendentur Et in huius donacionis testimonium et memoriam presenti scripto sigillum meum apposui
Source (click image below to view full size)
