Charter Document - 00130192
| Charter Number: | 00130192 |
|---|---|
| Cartulary Title: | The Cartulary of Missenden Abbey |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1170 - 1179 |
| Date type: | Assigned |
| Resource Link(s): |
|
Charter:
Notum sit cunctis fidelibus sancte dei ecclesie quod ego Alexander filius Ricardi de Colewurda concessi et presenti scripto confirmaui deo et ecclesie Sancte Marie de Messend et canonicis ibidem deo seruientibus pro salute mea et Cecilie uxoris mee et liberorum nostrorum et omnium antecessorum nostrorum donum quod pater et mater mea eis fecerunt scilicet unam uirgatam terre que proxima est terre sue de Hanora cum omnibus que ad eam pertinent in omni integritate Et insuper feci quoddam incrementum iuxta eandem terram de dominico meo cum quatuor acris terre quas dedi eis in excambium pro iiij acris quas retinui de predicta uirgata terre Quod incrementum simul cum quatuor acris et ipsam uirgatam terre terminant fossatum eorum quod extenditur per Waltringden et signa lapidum quorum unus est positus in Waltringedene et alius contra illum positus est ultra Hoacmer super Grimesdic ita quod haia eorum ponetur super crestam fossati Concessi eciam eis habere in communi pastura mea in bosco et in plano centum oues et decem boues et decem uaccas cum fetibus suis et xl porcos libere et quiete sicut meos dominicos porcos in bosco et in plano Hec omnia concessi eis habere libera et quieta ab omni consuetudine et exaccione et omni seruicio quod ad me pertinet uel heredes meos et defendent predictam tenuram erga regem et dominum feudi pro una uirgata terre Et si aliqua calumpnia orta fuerit in aliqua parte huius terre ego et heredes mei acquietabimus illis per excambium Canonici uero acquietabunt me et heredes meos si aliqua calumpnia orta fuerit in posterum quod aliqua uia consueta transire debeat per predictam terram Et sciendum est quod quando tercius campus eorum qui proximus est de Grimesdic et terre mee seminatus non fuerit erit in communi pastura michi et hominibus meis Et pro hac concessione canonici dederunt michi in nomine caritatis duas marcas argenti Hiis testibus Willelmo fratre meo vicecomite Roberto del Brok Reginaldo de Hugend Elia de Scaccario magistro Edwardo de Whathamsted Philippo clerico vicecomitis Willelmo de Upton Willelmo de Kenebelle Roberto Mantel Ernaldo de Bosco
Source (click image below to view full size)
