Charter Document - 00130168
| Charter Number: | 00130168 |
|---|---|
| Cartulary Title: | The Cartulary of Missenden Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1270 |
| Date type: | Assigned |
| Resource Link(s): |
|
Charter:
Sciant presentes et futuri quod ego Iohannes Brand filius domini Roberti Braund militis dedi concessi et hac presenti carta mea confirmaui Michaeli de Hugendene et heredibus suis uel suis assignatis et heredibus assignatorum suorum pro seruicio suo Iohannem Fraunceys filium Iohannis Fraunceys quondam natiuum meum liberum cum toto tenemento et tota terra una cum dotis quam predictus Iohannes pater predicti Iohannis de predicto domino Roberto Brand patre meo aliquando plenius tenuit in uilnagio in parochia de Hugend super Kingeshulle simul cum tota secta et sequela sua et cum toto exitu suo scilicet cum tota progenie sua de se procreata vel procreanda Habend et tenend de me et heredibus meis uel meis assignatis et de eorum heredibus predicto Michaeli et heredibus suis et suis assignatis et eorum heredibus libere quiete integre iure hereditarie bene et in pace et in perpetuum Reddendo inde annuatim michi et heredibus meis uel meis assignatis ipse et heredes sui uel sui assignati quinque solidos et nouem denarios ad duos anni terminos uidelicet ad festum Sancti Michaelis duos solidos et decem denarios et ad festum beate Marie in Marcio duos solidos et xj denarios pro omnibus seruiciis consuetudinibus exaccionibus et omnibus demandis secularibus Et ego [] Pro hac autem donacione concessione et warantizacione dedit michi predictus Michael tres marcas argenti premanibus in gersumam In cuius rei testimonium huic presente carte mee sigillum meum apposui Hiis testibus Symone de Hugend Henrico Russel Iohanne de la Cumbe Willelmo de Alemer Rogero Swetrich Nicholao le Em Willelmo de Chaluelee clerico Et aliis
Source (click image below to view full size)
