Charter Document - 00130167
| Charter Number: | 00130167 |
|---|---|
| Cartulary Title: | The Cartulary of Missenden Abbey |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1315 |
| Date type: | Internal, Feast, Regnal |
| Resource Link(s): |
|
Charter:
Uniuersis sancte matris ecclesie filiis presens scriptum uisuris uel audituris Ricardus Hunfrey et Katerina atte Halle filia Nicholai de Pirnore uxor mea salutem in domino sempiternam Noueritis nos unanimi assensu et consensu nostro remisisse et omnino pro nobis et heredibus nostris et nostris assignatis in perpetuum quietum clamasse religiosis uiris abbati et conuentui ecclesie beate Marie de Messend et successoribus suis ibidem deo seruientibus totum ius et clamium quod quocumque modo et iure habuimus vel habere potuimus in omnibus terris et tenementis et eorum pertinenciis que fuerunt Nicholai de Pirnore quondam patris predicte Katerine super Kingeshulle et Pirnore in parochia de Hugend que idem religiosi habent de dono et feoffamento dicti Nicholai de Pirnore Habend et tenend sicut in carta predicti Nicholai predictis religiosis inde facta continetur Ita scilicet quod nos predicti Ricardus Katerina heredes uel assignati nostri in predictis terris uel tenementis cum suis pertinenciis aliquid iuris uel clamii decetero uendicare uel exigere non poterimus in perpetuum In cuius rei testimonium presenti scripto sigilla nostra apposuimus Data apud Messend die dominica proxima post festum Sancte Margarete uirginis anno regni regis Edwardi filii Regis Edwardi nono Hiis testibus dominis Reginaldo de Hamdene Radulfo de Wedone Milone de Bellocampo Iohanne de la Penne militibus Roberto Mauntel Iohanne du Brok Alexandro de Sandresdone Galfrido de Hugend Alexandro de Coleshulle Henrico fratre eius Symone Marescallo et aliis
Source (click image below to view full size)
