Charter Document - 00130165
| Charter Number: | 00130165 |
|---|---|
| Cartulary Title: | The Cartulary of Missenden Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1275 |
| Date type: | Assigned |
| Resource Link(s): |
|
Charter:
Sciant presentes et futuri quod ego Iohanna filia et heres Iohannis Ouioth de magna Kingeshulle in libera et pura potestate mea dedi concessi et hac presenti carta mea confirmaui Henrico de Coleshulle et Ysabelle uxori sue et heredibus eorum uel assignatis pro seruicio eorundem quoddam mesuagium cum gardino et uno crofto predicto mesuagio adiacente cum pertinenciis suis sicut sepibus et fossatis includitur Dedi eciam eisdem Henrico et Isabelle uxori sue unam acram terre cum pertinenciis iacentem in campo qui uocatur Hiconescroft inter terram Ricardi fabri ex utraque parte Habend et tenend de capitalibus dominis feodi per seruicia inde debita et consueta videlicet elemosinario abbatie de Messendene duos solidos et duos denarios ad duos anni terminos videlicet ad festum Sancti Michaelis tresdecim denarios et ad festum annunciacionis beate Marie uirginis tresdecim denarios sicut ego et pater meus solebamus facere pro omnibus seruiciis et singulis demandis Et ego [] In cuius rei testimonium presenti carte sigillum meum apposui Hiis testibus Symone Blueth Hugone le seriant Galfrido Talifer Ricardo de la Northdene Elya de Northdene Hugone le Stiuour Radulfo fabro Galfrido clerico et aliis
Source (click image below to view full size)
