Charter Document - 00130153
| Charter Number: | 00130153 |
|---|---|
| Cartulary Title: | The Cartulary of Missenden Abbey |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1250 |
| Date type: | Assigned |
| Resource Link(s): |
|
Charter:
Sciant presentes et futuri quod ego Iordanus Bosse et ego Sara uxor eiusdem reddidimus et quietum clamauimus et presenti carta confirmauimus Andree Blundo et heredibus suis totam terram cum domibus et graua et omnibus pertinenciis suis quam tenuimus de eo super Kingeshulle in parochia de Hugenden pro xl solidis qui retro fuerunt de firma dicte terre et pro duobus bussellis frumenti quos ipse nobis dedit Ita scilicet quod nos nec aliquis per nos uel pro nobis aliquid in predicta terra cum pertinenciis suis exigere habere uel clamare poterimus nec debemus in perpetuum Et si forte contingat quod nos uel aliquis per nos uel pro nobis aliquid uoluerimus in predicta terra exigere oportet nos uel illum dicto Andree uel heredibus suis xl solidos soluere vna cum duobus bosellis frumenti antequam possimus illum uel illos inplacitare Et sciendum est quod dictus Andreas et heredes sui non possunt nec debent aliquid decetero a nobis exigere occasione quadraginta solidorum qui a retro sunt de firma nostra nisi ita sit quod nos uel aliquis per nos uel pro nobis uelimus eum uel heredes suos inplacitare In huius rei testimonium huic presenti carte sigilla nostra apposuimus Hiis testibus Roberto Brand Willelmo de Netherhalle Willelmo de Hamden Elia le Stiuor Nicholao de Kingeshulle Willelmo Russel Nicholao Chebes Et aliis
Source (click image below to view full size)
