Charter Document - 00130127
| Charter Number: | 00130127 |
|---|---|
| Cartulary Title: | The Cartulary of Missenden Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 - 1225 |
| Date type: | Assigned |
| Resource Link(s): |
|
Charter:
Sciant presentes et futuri quod ego Ricardus filius Hugonis Swift dedi et concessi et hac presenti carta mea confirmaui Roberto filio Osberti fabri unam acram terre et unam rodam cum pertinenciis suis in Kingeshulle que iacent iuxta terram Walteri mercatoris de Wicumbe scilicet in Maldefurelong et abuttant in Maldeputte pro homagio et seruicio suo Habendam et tenendam dictam terram cum pertinenciis suis dicto Roberto et heredibus suis uel eius assignatis de me et heredibus meis libere quiete et perpetue Reddendo inde annuatim michi et heredibus meis ipse et heredes sui uel eius assignati quatuor denarios ad duos anni terminos scilicet ad festum Sancte Marie in Marcio duos denarios et ad festum Sancti Michaelis duos denarios pro omnibus seruiciis consuetudinibus et omnimodis sectis et demandis secularibus Et ego Ricardus [] Et si ego Ricardus uel heredes mei dictam terram cum pertinenciis suis dicto Roberto et heredibus suis vel eius assignatis warantizare nequiuerimus escambium ad ualenciam tante terre cum pertinenciis suis dicto Roberto et heredibus suis uel eius assignatis propinquius sibi de terra Hugonis Swift quondam patris mei in eadem uilla faciemus Pro hac donacione concessione et carte mee confirmacione et warantizacione dictus Robertus dedit michi nouem solidos sterlingorum Et ut [] Hiis testibus domino Rogero de Messend Waltero Mantel Roberto filio suo Alano Pagano Thoma Mantel Henrico Iuuene Thomade Wendure Nicholao de Kingeshulle Galfrido filio Willelmi le Macun Et multis aliis
Source (click image below to view full size)
