Charter Document - 00130117
| Charter Number: | 00130117 |
|---|---|
| Cartulary Title: | The Cartulary of Missenden Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1260 |
| Date type: | Assigned |
| Resource Link(s): |
|
Charter:
Sciant presentes et futuri quod ego Andreas de Dusteburgh assensu et consensu Cecilie uxoris mee et Ricardi filii et heredis mei dedi concessi et hac presenti carta mea confirmaui deo et ecclesie Sancte Marie de Messenden et canonicis ibidem deo seruientibus in liberam puram et perpetuam elemosinam totam terram illam quam habui super Kyngeshulle in parochia de parua Messend per uxorem meam Que quidem terra accidit predicte Cecilie uxori mee hereditarie per Isabellam filiam Galfridi de Messend matrem dicte Cecilie sicut mete et diuise ducunt et proportant Habendam et tenendam predictis canonicis et eorum successoribus totam predictam terram cum omnibus pertinenciis suis in boscis redditibus uiis semitis planis et pasturis cum liberis introitibus et exitibus et omnibus aliis libertatibus Ita quod nec ego nec dicta Cecilia uxor mea vel aliquis heredum nostrorum vel aliquis alius nomine nostro in predictis aliquid iuris uel clamii exigere uel uendicare poterimus Et ego dictus Andreas et Cecilia uxor mea [] Ut autem hec mea donacio concessio et hec presentis carte confirmacio rata et stabilis in perpetuum permaneat huic presenti scripto sigillum meum una cum sigillo dicte Cecilie uxoris mee apposui Hiis testibus domino Willelmo Wauder Geruasio Drapario Willelmo filio Heruey Thoma Wauder Waltero Bil Herueo de Wycumbe Iohanne de Dusteburg et aliis
Source (click image below to view full size)
