Charter Document - 00130108
| Charter Number: | 00130108 |
|---|---|
| Cartulary Title: | The Cartulary of Missenden Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1275 |
| Date type: | Assigned |
| Resource Link(s): |
|
Charter:
Sciant presentes et futuri quod ego Henricus de Sythre dedi et concessi et hac presenti carta mea confirmaui Reginaldo Coperkyng duodecim denarios annui redditus de tenemento Alisie de Sythre in parochia de magna Messendene cum pertinenciis suis omnibus Scilicet in homagio wardis releuiis herietis sectis et in omnibus aliis seruiciis que michi aliquo iure possunt contingere Habend et tenend dicto Reginaldo et heredibus suis siue suis assignatis et cuicumque et quandocumque dictum redditum dare uendere legare et assignare voluerit libere quiete bene et in pace integre sine ullo retenemento mei uel heredum meorum Reddendo dictum redditum Reginaldo per manus meas ad duos anni terminos et heredes meos post decessum meum videlicet ad Pentecostam vj d et ad festum Sancti Martini vj d et si dictus redditus ultra mensem insolutus remaneat duplicetur Pro hac autem donacione concessione warantizacione et huius carte confirmacione dedit michi dictus Reginaldus x solidos premanibus Et ad maiorem huius rei securitatem huic scripto sigillum meum apposui Hiis testibus Roberto de Brok Galfrido Marscallo Iohanne Coco Roberto de Padenore Waltero fratre suo et aliis
Source (click image below to view full size)
