Charter Document - 00130103
| Charter Number: | 00130103 |
|---|---|
| Cartulary Title: | The Cartulary of Missenden Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1234 - 1252 |
| Date type: | Assigned |
| Resource Link(s): |
|
Charter:
Sciant presentes et futuri quod ego Iohanna de Sanford in viduitate et ligia potestate mea et pro salute mea et meorum dedi et concessi et hac presenti carta mea confirmaui deo et ecclesie beate Marie de Messend et canonicis ibidem deo seruientibus in liberam puram et perpetuam elemosinam totam terram illam quam Rogerus carectarius et Swonilda uxor eius de me tenuerunt [] in uilla maioris Messendene cum pertinenciis que iacet inter terram Gilberti de la [] ex parte una et magnam uiam regiam ex altera que scilicet uocatur Chapmannesdik Habendum et tenendum predictis canonicis in perpetuum libere et quiete ab omni seruicio consuetudine et exaccione in subsidium unius lampadis pendentis ante crucifixum in corpore conuentualis ecclesie de Messendene que per totum annum ardebit ad matutinas et ad maiorem missam et ad missam beate Marie et quocienscumque in aurora uel circa auroram aperiunt hostia ecclesie ardebit predicta lampada usque ad ortum solis siue quousque claritas diei euidenter appareat per totam ecclesiam Et ego predicta Iohanna et heredes mei [] Et ut [] Hiis testibus domino Alexandro de Hampden domino Roberto Brond Ro[gero] de Wymberuille Rogero de Estwik Elia de Wymberuille Roberto Peur Ricardo Cardun
Source (click image below to view full size)
