Charter Document - 00130063
| Charter Number: | 00130063 |
|---|---|
| Cartulary Title: | The Cartulary of Missenden Abbey |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1141 - 1147 |
| Date type: | Assigned |
| Resource Link(s): |
|
Charter:
Matildis Imperatrix Henrici regis filia et Anglorum domina omnibus fidelibus suis francis et anglis tocius Anglie salutem Sciatis me concessisse deo et ecclesie Sancte Marie de Messend et canonicis ibidem deo seruientibus illam donacionem quam Willelmus de Bokelanda eis fecit de hida quam Ricardus archidiaconus de Bukingham tenuit apud Messend et de omnibus aliis ad eandem hidam pertinentibus sicut ea ipse Willelmus eis dedit et concessit et carta sua confirmauit Quare uolo et firmiter precipio quod bene et in pace et libere et quiete et honorifice et plenarie teneant in bosco et plano in pratis et pasturis in uiis et semitis et in omnibus locis cum omnibus consuetudinibus et libertatibus que ad ea pertinent sicut umquam predictus Ricardus archidiaconus vel aliquis antecessorum eius melius et liberius et quietius et honorabilius et plenarius tenuit ne super hoc aliquis aliquam eis inde faciat iniuriam vel contumeliam ullo modo Testibus Roberto comite Gloec et Reginaldo comite Cornubie et Roberto de Linc et Willelmo de Pontearch et Huberto de Wallibus et Thome Basset apud Diuitam
Source (click image below to view full size)
