Charter Document - 00130050
| Charter Number: | 00130050 |
|---|---|
| Cartulary Title: | The Cartulary of Missenden Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1234 - 1252 |
| Date type: | Assigned |
| Resource Link(s): |
|
Charter:
Sciant presentes et futuri quod ego Iohanna de Sanford filia Hugonis de Noers in viduitate et in ligia potestate mea dedi et concessi et hac presenti carta mea confirmaui deo et ecclesie beate Marie de Messend et canonicis ibidem deo seruientibus pro salute anime mee et omnium antecessorum meorum et successorum meorum totam terram meam de assarto cum omnibus pertinenciis suis quam Willelmus filius Osmundi prepositi de me aliquando tenuit in uilla de Messend illam scilicet que iacet inter terram que fuit Alicie relicte Alani fabri in oriente et terram ipsius Willelmi in occidente et terram Petri Pottarii in aquilone et terram Willelmi filii Hawisie in austro Habendum et tenendum predictis canonicis et ecclesie sue de Messend in liberam puram et perpetuam elemosinam [] faciendo inde unam pitanciam conuentui in refectorio in die anniuersarii mei in perpetuum Et ego [] Et ut hec mea donacio et confirmacio firma et stabilis in perpetuum permaneat presenti scripto sigillum meum apposui Hiis testibus domino Thoma de Audeham domino Alexandro de Hamdene domino Radulfo de Scaccario domino Alano tunc capellano sancti Petri de magna Messend Rogero de Wymberuile Petro seruiente Thoma del Erde Et multis aliis
Source (click image below to view full size)
