Charter Document - 00130045
| Charter Number: | 00130045 |
|---|---|
| Cartulary Title: | The Cartulary of Missenden Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1234 - 1252 |
| Date type: | Assigned |
| Resource Link(s): |
|
Charter:
Sciant presentes et futuri quod ego Iohanna de Sanford in libera et uiduali potestate mea post obitum Hugonis de Sanford quondam uiri mei dedi et concessi et hac presenti carta mea confirmaui Iuliane filie Hugonis Jam dicti camerarie mee illam dimidiam virgatam terre cum pertinenciis quam Willelmus del Erde aliquando tenuit in Messend pro homagio et seruicio suo Habendum et tenendum dictam terram de me et heredibus meis dicte Iuliane et heredibus suis uel cuicumque dare uendere uel assignare uoluerit in domum religionis et alibi libere et quiete hereditarie Reddendo inde annuatim michi et heredibus meis unum par cirotecarum albarum uel unum denarium ad natale domini pro omni seruicio consuetudine et exaccione seculari saluo forinseco seruicio quantum pertinet ad tantam terram [quam] habebam de eodem feudo in eadem uilla Et ego Iohanna et heredes mei [] Et ad maiorem securitatem hanc presentem cartam sigillo meo roboraui Hiis testibus domino Thoma de Aldham domino Roberto Brand domino Alexandro de Hamdene Rogero de Estwik Rogero de Wymberuile Waltero Scissore de Lond Roberto clerico de Kyngeshulle et multis aliis
Source (click image below to view full size)
