Charter Document - 00130044
| Charter Number: | 00130044 |
|---|---|
| Cartulary Title: | The Cartulary of Missenden Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 - 1234 |
| Date type: | Assigned |
| Resource Link(s): |
|
Charter:
Sciant presentes et futuri quod ego Ypolitus de Noers dedi et concessi et presenti carta confirmaui deo et ecclesie beate Marie de Messend et canonicis ibidem deo seruientibus pro salute anime mee et omnium antecessorum et successorum meorum in liberam et puram et perpetuam elemosinam uiginti solidos annuatim in uilla de magna Messendene scilicet decem solidos de tota illa uirgata terre quam Willelmus Geseberd tenuit ad duos anni terminos percipiendos scilicet quinque solidos ad festum Sancte Marie in Marcio et quinque solidos ad festum Sancti Michaelis Et decem solidos de tota illa uirgata terre quam Galfridus Cuggel tenuit ad eosdem terminos eodem modo percipiendos quos habui ex dono Hugonis de Sanford et Iohanne uxoris sue habendos et tenendos predictis canonicis in perpetuum Insuper dedi predictis canonicis omnem libertatem quam predicti Hugo et Iohanna michi carta sua dederunt et confirmauerunt distringendi predictas terras per namia seu alio modo quousque dictis canonicis predicti solidi ad plenum persoluantur Et ut hec mea donacio et confirmacio robur perpetuum optineat presens scriptum sigilli mei apposicione roboraui Hiis testibus Henrico de Scaccario Alexandro de Hamd Radulpho de Chardruge Radulpho de Wedone Waltero Mantel Willelmo de Blakewelle Ricardo de Belyndene Rogero de Wymberuile Willelmo de la Dene Stephano Crok Hugone de Chalhunt Stephano de Hortone []
Source (click image below to view full size)
