Charter Document - 00130018
| Charter Number: | 00130018 |
|---|---|
| Cartulary Title: | The Cartulary of Missenden Abbey |
| Charter Language: | Latin |
| Charter Origin: | Royal |
| Charter Type(s): | Letters Patent |
| Date: | 1293 |
| Date type: | Internal, Calendar, Regnal |
| Resource Link(s): |
|
Charter:
Edwardus dei gracia rex Anglie dominus Hibernie et dux Aquitanie omnibus ad quos presentes littere peruenerint salutem Licet de communi consilio regni nostri statuerimus quod non liceat viris religiosis seu aliis ingredi feodum alicuius ita quod ad mortuam manum deueniat sine licencia nostra et capitalis domini de quo res illa immediate tenetur Volentes tamen Hugoni de North de Chalfhunte Sancti Petri graciam facere specialem dedimus ei licenciam quantum in nobis est quod ipse iiij acras prati cum pertinenciis in Chalfhunte Sancti Petri dare possit et assignare dilectis nobis in Christo abbati et conuentui de Messend Habendum et tenendum eisdem abbati et conuentui quod predictum pratum a prefato Hugone recipere possint tenore presencium licenciam similiter concedimus specialem Nolentes quod predictus Hugo aut heredes sui seu prefati abbas et conuentus sui seu successores racione statuti predicti per nos vel heredes nostros inde occasionentur in aliquo seu grauentur saluis tamen capitalibus dominis feodi illius seruiciis inde debitis et consuetis In cuius rei testimonium has litteras nostras fieri fecimus patentes Teste meipso apud Westmonasterium xxiiij die Iunii anno regni nostri xxj
Source (click image below to view full size)
