Charter Document - 00130017

Edwardus dei gracia rex Anglie dominus Hybernie et dux Aquitanie archiepiscopis episcopis abbatibus prioribus comitibus baronibus iustic vicecomitibus prepositis ministris et omnibus balliuis et fidelibus suis salutem Sciatis nos ad instanciam dilecti clerici nostri Walteri de Agmodesham concessisse et hac carta nostra confirmasse dilectis nobis in Christo abbati et conuentui de Messend quod ipsi et successores sui in perpetuum habeant liberam warennam in omnibus dominicis terris suis de Messend Leye Peterleie Honore Hugend Donrugge Chalfhunte Browtone Kenebelle Kaueresfeld et Niweland in comitatu Bukinghamensi et in omnibus dominicis terris suis de Podele et Shiplake in comitatu Oxoniensi Dum tamen terre ille non sint infra metas foreste nostre Ita quod nullus intret terras illas ad fugandum in eis vel ad aliquid capiendum quod ad warennam pertineat sine licencia et uoluntate ipsorum abbatis et conuentus vel successorum suorum super foris facturam nostram x librarum Quare uolumus et firmiter precipimus pro nobis et heredibus nostris quod predicti abbas et conuentus et successores sui in perpetuum habeant liberam warennam in omnibus dominicis terris suis predictis Dum tamen terre ille non sint infra metas foreste nostre ita quod nullus intret terras illas ad fugandum in eis vel ad aliquid capiendum quod ad warennam pertineat sine licencia et uoluntate ipsorum abbatis et conuentus vel successorum suorum super foris facturam nostram x librarum sicut predictum est Hiis testibus Iohanne de Warenna comite Surr Adomaro de Ualenc Iohanne de Britannia Iohanne de Sancto Iohanne seniore Hugone le despenser Waltero de Bellocampo senescallo hospicii nostri Et aliis Data per manum nostram apud Rokesburgh sextodecimo die Februarii anno regni nostri xxx